Leikskólakennara vantar á Krummafót

Leikskólinn Krummafótur óskar eftir að ráða leikskólakennara eða starfsfólk með aðra háskólamenntun sem nýtist í leikskólastarfi í 100% starf sem fyrst. Í boði er deildarstjórastaða ef áhugi er fyrir því. Vinnutími er frá 8:00 – 16:00. Minna starfshlutfall kemur einnig til greina. Ef ekki fæst leikskólakennari eru aðrar umsóknir teknar til skoðunar.

Laun eru greidd samkvæmt Kjarasamningi félags leikskólakennara og sambandi íslenskra sveitarfélaga.

Menntunar og hæfniskröfur

• Leyfisbréf til kennslu
• Reynsla af uppeldis og kennslustörfum æskileg
• Sjálfstæði og frumkvæði í vinnubrögðum
• Sveigjanleiki í starfi
• Hæfni í mannlegum samskiptum
• Áhugi á fræðslu barna og velferð þeirra

Krummafótur er lítill einnar deildar leikskóli með nemendur á aldrinum 1 til 6 ára. Við leggjum mikla áherslu á nærumhverfið okkar og frjálsan leik auk þess sem við vinnum með jákvæðan aga og leikur að læra. Umfram allt er starf í Krummafæti fjölbreytt, gefandi og skemmtilegt en jafnframt krefjandi. Engir tveir dagar eins. Gleði, sorgir, líf og fjör hjá okkur alla daga.

Nánari upplýsingar um skólann má finna á www.krummafotur.is

Frekari upplýsingar veitir Margrét Ósk Hermannsdóttir leikskólastjóri í síma 414-5440 eða á netfangið krummafotur@grenivik.is