Lanbúnaðarnefnd

Fundur Landbúnaðarnefndar

Haldinn í Höfða 10. júní, kl. 21.00

Fundur Landbúnaðarnefndar Grýtubakkahrepps.  Mætt Ásta F. Flosadóttir, Guðjón Þórsteinsson og Margrét Melstað. 

Dagskrá:

1. Verkaskipting nefndarinnar. 

Ákveðið að Ásta verði formaður, Margrét ritari og Guðjón meðstjórnandi.

2. Landbótaáætlun fyrir afrétt Grýtubakkahrepps. Landbótaáætlun var send til Landgræðslunnar í október og yfirfarin eftir athugasemdir frá Landgræðslunni. Síðan var endanleg áætlun send um áramótin og svar hefur ekki borist, þannig að áætlunin hefur hvorki verið samþykkt né hafnað.
3. Opnun afréttar og ógirtra heimalanda.  Nefndin fór í leiðangur á Látraströnd að kanna gróðurfar.  Græn eru orðin tún á Hringsdal og Svínárnesi, úthagi allur að lifna og sumstaðar orðinn gróinn.  Landbúnaðarnefnd leggur til við sveitarstjórn að heimilt verði að sleppa fé í ógirt heimalönd og á afrétt þann 15. júní, en heimilað verði að sleppa geldfé 12. júní.

Það er mat nefndarinnar að menn hafi samráð sín á milli um sleppingar og taki mið af gróðri og veðurfari áður en fé er sleppt. 

4. Hrossabeit.  Lagt er til að hrossum sé ekki sleppt á afrétt fyrr en 1. júlí og beitartíminn verði 60 dagar sem samræmist Landbótaáætluninni. 
5. Fjárréttin.  Nú er komið á áætlun fyrir árið 2016 að fara í byggingu nýrrar fjárréttar.  Ákveðið að formaður nefndar hafi samband við landeigendur á Grýtubakka, á Bárðartjörn og í Réttarholti og leiti eftir landi fyrir rétt og næturhólfi/safnhólfi við réttina. Ákveðið að formaður athugi með teikningar að nýrri rétt.
6. Brýr og vegur í Fjörðum.  Huga þarf að ástandi brúa í Fjörðum og endurnýja vegstikur á veginum út í Gil.  Nauðsynlegt er að útbúa almennilegt vað yfir Grenjánna, þar sem brúin er ónýt.

Fleira var ekki tekið fyrir og fundi slitið.

Margrét Melstað ritaði fundargerð.