Sveitarstjórn

Hreppsnefndarfundur nr. 72

Mánudaginn 10. maí 2004 kom hreppsnefnd Grýtubakkahrepps saman til fundar á skrifstofu Grýtubakkahrepps kl. 12.00.  Allir hreppsnefndarmenn mættir ásamt sveitarstjóra.

Gjörðir fundarins voru þessar:

1. Ráðning skólastjóra. 
Sveitarstjórn hafði samþykkt að ræða við Sigríði Jóhannsdóttur og var henni boðin staðan.  Sigríður hafnaði boðinu og drógu Róbert Gunnarsson og Örlygur Helgason sínar umsóknir til baka.  Í kjölfarið var umsóknarfrestur framlengdur til 5. maí.  Þrjár umsóknir bárust, frá Valdimar Víðissyni, Hrafnhildi Sigurgeirsdóttur og Sverri Kristinssyni.
Skólanefnd hefur mælt með Valdimar Víðissyni í starf skólastjóra Grenivíkurskóla.  Sveitarstjórn samþykkir að ganga til viðræðna við Valdimar Víðisson.

Fleira var ekki tekið fyrir, fundargerð lesin upp og samþykkt.
Fundi slitið kl. 13:00