Sveitarstjórn

Hreppsnefndarfundur nr. 108

Mánudaginn 9. janúar 2006 kom hreppsnefnd Grýtubakkahrepps saman til fundar á skrifstofu Grýtubakkahrepps.  Allir hreppsnefndarmenn mættir ásamt sveitarstjóra.  Fundurinn hófst kl. 17,00.

Gjörðir fundarins voru þessar:

1. Brunavarnaáætlun Grýtubakkahrepps. 
Slökkviliðsstjóri kom á fundinn og fór yfir áætlunina.  Rædd voru einstök atriði áætlunarinnar, sem og forgangsröðun verkefna.  Samþykkt að slökkviliðsstjóri ljúki frágangi skýrslunnar en fjárveitingar tengdar því er fram kemur í skýrslunni verða ræddar í tengslum við þriggja ára áætlun.    

2. Reykjaveita. 
Lögð fram viðhorfskönnun um hitaveitu í Grýtubakkahreppi.  75 svör bárust fyrir utan fasteignir Grýtubakkahrepps.  Niðurstöður könnunarinnar gefa vísbendingu um að mikill vilji sé til að unnið sé áfram að því að fá hitaveitu í hreppnum.  Sveitarstjórn samþykkir að gengið skuli til viðræðna við Norðurorku um lagningu Reykjaveitu.

3. Bréf frá Birgi Péturssyni frá 27.12.2005.
Bréfið er vegna breytinga á sumarbústaðarlóð á Sunnuhvoli.  Þegar hefur verið unnin tillaga að breytingum á umræddri lóð, þar sem orðið er við óskum Birgis og er sveitarstjórn hlynnt þeim breytingum.

4. Fundargerð heilbrigðisnefndar Norðurlands eystra frá 12. des.2005.
Fundargerðin lög fram.

5. Frístundabyggð  - umsóknir. 
Sveitarstjórn tekur jákvætt í umsóknir Arne Vagns Olsen og Sævars Helgasonar um lóðir í frístundabyggð en frestar endanlegri afgreiðslu þar til skipulagsvinnu er lokið.

6. Ferðamál. 
Rætt um að koma á fót vinnuhópi eða nefnd sem fengi það hlutverk að koma með tillögur um hvernig stuðla megi að aukinni ferðamennsku í sveitarfélaginu.

7. Umsókn um skólavist fyrir Kamillu Rós Guðnadóttur fyrir skólaárið 2005 - 2006. 
Samþykkt.

8. Þriggja ára áætlun - fyrri umræða. 
Fyrri umræðu lokið.

9. Önnur mál.
Engin.

Fleira var ekki tekið fyrir, fundargerð lesin upp og samþykkt.
Fundi slitið kl. 19:45.