Sveitarstjórn

Hreppsnefndarfundur nr. 214

Mánudaginn 6. desember 2010 kom hreppsnefnd Grýtubakkahrepps saman til fundar á skrifstofu Grýtubakkahrepps. Allir hreppsnefndarmenn mættir nema Sigurður Jóhannsson. Einnig sátu fundinn Sigurbjörn Jakobsson, fyrsti varamaður, og sveitarstjóri. Fundurinn hófst kl. 17:00

Gjörðir fundarins voru þessar:

1. Fundargerðir kjörstjórnar Grýtubakkahrepps frá 22. nóvember
og 27. nóvember 2010.  Fundargerðirnar samþykktar.

2. Álagning fasteignagjalda í Grýtubakkahreppi 2011.
Álagningarhlutfall fasteignagjalda í Grýtubakkahreppi
árið 2011 er sem hér segir:

Fasteignaskattur A                                                     0,40%  
(örorku- og ellilífeyrisþegar fá afslátt samkvæmt reglum Grýtubakkahrepps)
Fasteignaskattur B                                                     1,50%
Vatnsskattur                                                                0,30%
Lóðarleiga af fasteignamati lóða                            1,00%
Holræsagjald af fasteignamati húss og lóðar     0,25%

Sorphirðugjald:
Íbúðir á Grenivík og sveitaheimili     kr. 26.000.-
Sumarbústaðir utan Grenivíkur        kr. 10.000.-

Sorphirðugjald fyrirtækja (þ.m.t. sveitabýla):
Flokkur 1                                                 kr.   18.000.-
Flokkur 2                                                 kr.   26.000.-
Flokkur 3                                                 kr.   44.000.-
Flokkur 4                                                 kr.   74.000.-
Flokkur 5                                                 kr. 147.000.-

Hreppsnefnd skipar fyrirtækjum í flokka eftir stærð fyrirtækis og magni sorps.

Gjaldtaka fyrir losun seyru:
Rotþrær minni en 3.000 l                    kr.   5.500.-
Rotþrær 3.000 l og stærri                   kr.   8.800.-

Gjalddagar:
7 gjalddagar frá 01.02.2011-01.08.2011 fyrir kr. 10.000.- og hærra
2 gjalddagar, 01.04.2011 og 01.06.2011 fyrir kr. 5.000-9.999.-
1 gjalddagi, 01.05.2011 fyrir lægra en kr. 5.000.-

3. Bréf frá Kvenfélaginu Hlín dags. 30. nóvember 2010. Efni: Þakkir. 
Í bréfinu þakkar kvenfélagið fyrir skáp sem smíðaður var í samkomuaðstöðu
fyrir búnað sem félagið á.  Lagt fram.

4. Breyting á aðal- og deiliskipulagi á Ægissíðu 14 á Grenivík. 
Ákveðið að hefja breytingu skipulags í samræmi við fyrirliggjandi tillögur.

5. Fjárhagsáætlun Grýtubakkahrepps 2011, seinni umræða.
Farið var yfir málefni slökkvistöðvar og þjónustumiðstöðvar. 
Guðni Sigþórsson verkstjóri og slökkviliðsstjóri kom á fundinn. 
Seinni umræðu frestað.

Fleira var ekki tekið fyrir, fundargerð lesin upp og samþykkt.
Fundi slitið kl. 21:10.