Sveitarstjórnarfundur nr. 276

Sveitarstjórnarfundur nr. 276

Mánudaginn 6. janúar 2014 kom sveitarstjórn Grýtubakkahrepps saman til fundar á skrifstofu Grýtubakkahrepps. Allir sveitarstjórnarmenn mættir nema Jóhann Ingólfsson. Í hans stað sat Heimir Ásgeirsson fundinn. Einnig sat sveitarstjóri fundinn sem hófst kl. 17:00.

Gjörðir fundarins voru þessar:

1. Fundargerðir byggingarnefndar Eyjafjarðar frá 13. desember 2013. Lagðar fram. Í lið 1 er Sigurður Jónas Baldursson að sækja um leyfi fyrir að breyta loðdýrahúsi í geymslu, trésmíðaaðstöðu o.fl. Húsið er á lóð sem heitir Grýta út úr jörðinni Grýtubakka I.
 
2. Bréf frá Tækifæri hf., dags. 3. desember 2013. Í bréfinu er verið að leita eftir því hvort Grýtubakkahreppur hyggist nýta forkaupsrétt að hlutafé í Tækifæri hf.  Samþykkt að nýta ekki forkaupsrétt.

3. Bréf frá Greiðri leið, dags. 13. desember 2013. Í bréfinu er verið að leita eftir því hvort Grýtubakkahreppur hyggist nýta forkaupsrétt að hlutafé í Greiðri leið ehf.  Samþykkt að nýta ekki forkaupsrétt.

4. Staða húsvarðar í Íþróttamiðstöð laus til umsóknar. Húsvörður Íþróttamiðstöðvar hefur sagt upp störfum. Ákveðið að auglýsa starfið.

5. Lagfæring á sundlaug. Lögð fram úttekt frá Verkfræðistofu Norðurlands ehf. um lagfæringu á klórstýringu í sundlaug o.fl. Sveitarstjóra falið að láta framkvæma nauðsynlegar lagfæringar.

6. Opnunartími á gámaplani. Samþykkt að breyta opnunartíma á þriðjudögum þannig að opið verði milli kl. 15 og 16 en opnunartími á fimmtudögum verði óbreyttur.

Fleira var ekki tekið fyrir, fundargerð lesin upp og samþykkt.Fundi slitið kl. 18:35. 

Gamla skólanum – 610 Grenivík – Sími 414 5400  Fax 414 5409 – Netfang sveitarstjori@grenivik.is