Sveitarstjórnarfundur nr. 473

06.02.2023 00:00

Sveitarstjórnarfundur nr. 473

Mánudaginn 6. febrúar 2023, kom sveitarstjórn Grýtubakkahrepps saman til fundar á skrifstofu hreppsins að Túngötu 3 á Grenivík. Eftirtaldir sveitarstjórnarfulltrúar voru mættir; Gísli Gunnar Oddgeirsson, Þorgeir Rúnar Finnsson, Fjóla V. Stefánsdóttir, Gunnar B. Pálsson og Inga María Sigurbjörnsdóttir. Einnig sat sveitarstjóri fundinn.

Fundurinn hófst kl. 17:00.

Gjörðir fundarins voru þessar:

  1. Sýslumaðurinn á Norðurlandi eystra, Svavar Pálsson sýslumaður kynnir embættið og ræðir við sveitarstjórn.

Frestað til næsta fundar vegna forfalla sýslumanns.

  1. Fundargerðir stjórnar Sambands ísl. sveitarfélaga, dags. 20. og 27. jan. 2023.

Fundargerðir lagðar fram. Í 24. lið fundargerðar frá 27. jan., er Fjóla Stefánsdóttir tilnefnd í starfshóp um endurskoðun sveitarstjórnarlaga.

  1. Fundargerðir stjórnar Minjasafnsins á Akureyri og skýrsla safnaráðs.

Fundargerðir lagðar fram.

  1. Boð á Landsþing Sambands ísl. sveitarfélaga, haldið 31. mars 2023.

Erindi lagt fram. Fjóla Stefánsdóttir verður fulltrúi Grýtubakkahrepps á þinginu.

  1. Frá SSNE, boð um þátttöku í „Grænum skrefum“, dags. 25. jan. 2023.

Sveitarstjórn samþykkir að taka þátt í verkefninu í samstarfi við SSNE.

  1. Frá Félags- og vinnumarkaðsráðuneyti, boð á „Nýjar framtíðir – samráðsþing um innleiðingu landsáætlunar á grundvelli samnings Sameinuðu Þjóðanna um réttindi fatlaðs fólks“ haldið 16. feb. 2023.

Erindi lagt fram.

  1. Erindi frá Björgunarbátasjóði Norðurlands, v. kaupa á nýju björgunarskipi, dags. 25. jan. 2023.

Erindi lagt fram. Afgreiðslu frestað.

  1. Orkukostnaður heimilanna, skýrsla Byggðastofnunar frá 30. janúar 2023.

Skýrsla lögð fram. Í skýrslunni kemur fram að kostnaður vegna húshitunar er óvíða hærri en í Grýtubakkahreppi og hefur ekki lækkað með árunum eins og væntingar voru um. Sveitarstjórn felur sveitarstjóra að óska eftir fundi með stjórn og framkvæmdastjóra Norðurorku til að ræða húshitunarkostnað.

 

Fleira ekki tekið fyrir, fundargerð lesin upp og samþykkt. Fundi slitið kl. 19:47.

Fundargerð ritaði Þorgeir Rúnar Finnsson.

Til baka