Sveitarstjórnarfundur nr. 503

Sveitarstjórnarfundur nr. 503

Mánudaginn 8. júlí 2024, kom sveitarstjórn Grýtubakkahrepps saman til fundar á skrifstofu hreppsins að Túngötu 3 á Grenivík. Eftirtaldir sveitarstjórnarfulltrúar voru mættir; Gísli Gunnar Oddgeirsson, Þorgeir Rúnar Finnsson, Fjóla V. Stefánsdóttir, Gunnar B. Pálsson og Inga María Sigurbjörnsdóttir. Einnig sat sveitarstjóri fundinn.

Fundurinn hófst kl. 16:00.

Gjörðir fundarins voru þessar:

1. Skipulagsmál.

a. Sunnuhlíð 9, erindi v. byggingaráforma.

Sveitarstjórn telur ekki fært að afgreiða erindið eins og það er fram lagt. Skipulags- og byggingafulltrúa er falið að afla frekari gagna og teikninga og leiðbeina umsækjanda um útfærslur sem geta fallið að deiliskipulagi.

b. Ferðaþjónustusvæði við Akurbakkaveg, lóðarumsókn.

The North Fjord ehf., kt. 620224-1380, sækir um lóð undir ferðaþjónustu við Akurbakkaveg, sbr. deiliskipulag fyrir svæðið. Sveitarstjórn samþykkir að úthluta lóðinni til The North Fjord ehf.

c. Sjóvörn við Grenivík, umsókn um framkvæmdaleyfi v. endurbóta.

Vegagerðin sækir um framkvæmdaleyfi vegna endurbyggingar skemmdrar sjóvarnar við Grenivík. Erindinu fylgir útboðslýsing dagsett í júlí 2024 og uppdráttur með grunnmynd og kennisniði dagsett 14. júní 2024.

Sveitarstjórn samþykkir erindið og felur skipulagsfulltrúa að gefa út framkvæmdaleyfi.

Arnar Ólafsson, skipulags- og byggingarfulltrúi, sat fundinn undir dagskrárlið 1.

2. Fundargerð stjórnar Sambands ísl. sveitarfélaga, dags. 13. júní 2024.

Fundargerð lögð fram.

3. Fundargerð stjórnar Sambands ísl. sveitarfélaga, dags. 21. júní 2024.

Fundargerð lögð fram.

4. Fundargerð Heilbrigðisnefndar Norðurlands eystra, dags. 26. júní 2024.

Fundargerð lögð fram.

5. Fundargerð 73. afgreiðslufundar SBE, dags. 28. júní 2024.

Fundargerð lögð fram.

6. Erindi frá Sambandi ísl. sveitarfélaga, gjaldfrjálsar skólamáltíðir, dags. 4. júlí 2024.

Sveitarstjórn samþykkir að skólamáltíðir við Grenivíkurskóla verði gjaldfrjálsar frá ágúst 2024 í samræmi við fyrirliggjandi samkomulag ríkisins og Sambands íslenskra sveitarfélaga.

7. Samningur um sameiginlegt þjónustusvæði um málefni fatlaðra, síðari umræða, framhald.

Sveitarstjórn samþykkir samninginn og felur sveitarstjóra að undirrita samninginn fyrir hönd sveitarfélagsins.

8. Laun í vinnuskóla sumarið 2024.

Laun með orlofi sumarið 2024 verða þannig:

                              Dagvinna          Yfirvinna

14 ára á árinu      kr. 1.258,60      kr. 2.125,30

15 ára á árinu      kr. 1.589,82      kr. 2.684,59

16 ára á árinu      kr. 2.152,87      kr. 3.635,38

Sveitarstjórn staðfestir launatöfluna. (Áður staðfest með tölvupóstum).

9. Sorphirða í Grýtubakkahreppi.

Í ljósi þess að Úrvinnslusjóður er hættur að greiða fyrir endurvinnsluefnin plast og pappír, nema efnunum sé safnað aðskildum við húsvegg, ákveður sveitarstjórn að nauðsynlegt sé að bæta við þriðju tunnunni við hvert heimili. Sveitarfélagið mun útvega nýjar tunnur til íbúa án endurgjalds. Stefnt er að því að þriggja tunnu kerfi verði komið í gagnið með haustinu.

Oddviti leitar afbrigða til að taka dagskrárlið nr. 10 á dagskrá.

Afbrigði samþykkt.

10. Fundargerðir kjörstjórnar Grýtubakkahrepps, dags. 31. maí og 1. júní 2024.

Fundargerðir lagðar fram.

Fleira ekki tekið fyrir, fundargerð lesin upp og samþykkt. Fundi slitið kl. 19:45.

Fundargerð ritaði Þorgeir Rúnar Finnsson.