Sveitarstjórnarfundur nr. 511

Sveitarstjórnarfundur nr. 511

Mánudaginn 18. nóvember 2024, kom sveitarstjórn Grýtubakkahrepps saman til fundar á skrifstofu hreppsins að Túngötu 3 á Grenivík. Eftirtaldir sveitarstjórnarfulltrúar voru mættir; Gísli Gunnar Oddgeirsson, Þorgeir Rúnar Finnsson, Fjóla V. Stefánsdóttir, Gunnar B. Pálsson og Inga María Sigurbjörnsdóttir.

Einnig sat sveitarstjóri fundinn.

Fundurinn hófst kl. 17:00.

Gjörðir fundarins voru þessar:

1. Fundargerð stjórnar Sambands ísl. sveitarfélaga, dags. 4. nóv. 2024.

Fundargerð lögð fram.

2. Fundargerðir stjórnar Samtaka sjávarútvegssveitarfélaga, dags. 22. okt. og 29. okt. 2024.

Fundargerðir lagðar fram.

3. Fundargerð aðalfundar Samtaka sjávarútvegssveitarfélaga, dags. 9. okt. 2024.

Fundargerð lögð fram.

4. Fundargerð skólanefndar Tónlistarskóla Eyjafjarðar, dags 13. nóv. 2024.

Fundargerð lögð fram. Sveitarstjórn staðfestir fjárhagsáætlun ársins 2025 fyrir sitt leyti.

5. Fundargerð 82. afgreiðslufundar SBE, dags. 6. nóv. 2024.

Fundargerð lögð fram.

6. Fundargerð ungmennaráðs Grýtubakkahrepps, dags. 11. nóv. 2024.

Fundargerð lögð fram.

7. Ársskýrsla Héraðsskjalasafnsins á Akureyri 2023.

Erindi lagt fram.

8. Frá SSNE, Sóknaráætlun Norðurlands eystra 2025-2029, dags. 8. nóv. 2024.

Erindi lagt fram. Sveitarstjórn líst vel á fyrirliggjandi sóknaráætlun og gerir ekki athugasemd við áætlunina.

9. Samningur um barnaverndarþjónustu á Norðurlandi eystra, fyrri umræða.

Erindi lagt fram. Samningnum vísað til síðari umræðu.

10. Erindi frá Lögreglustjóranum á Nle, Bjarmahlíð framlag, dags. 12. nóv. 2024.

Sveitarstjórn samþykkir að styrkja Bjarmahlíð um kr. 200.000.- fyrir árið 2025. Upphæðin rúmast innan fjárhagsáætlunar.

11. Erindi frá Fjölskylduhjálp Íslands, dags. 5. nóv. 2024.

Erindi hafnað. Sveitarfélagið styrkir hliðstæða starfsemi á Norðurlandi.

12. Fjárhagsáætlun Grýtubakkahrepps 2025 – 2028, síðari umræða.

Álagningarhlutfall gjalda hjá Grýtubakkahreppi 2025

Útsvarsprósenta (hámark)  14,97%

Fasteignaskattur A   0,48%

(örorku- og ellilífeyrisþegar fá afslátt samkvæmt reglum Grýtubakkahrepps)

Fasteignaskattur B (opinberar byggingar)   1,32%

Fasteignaskattur C   1,50%

Vatnsskattur   0,15%

Lóðarleiga af fasteignamati lóða   0,50%

Fráveitugjald/holræsagjald af fasteignamati húss og lóðar   0,25%

Aukavatnsgjald stórnotenda (fyrirtækja), rúmmálsgjald   21,00 kr/m³

 

Sorphirðugjald:

Íbúðir á Grenivík og sveitaheimili   kr. 71.352.-

Sumarbústaðir utan Grenivíkur   kr. 33.170.-

Endurvinnslutunnur eru losaðar á fjögurra vikna fresti og almennt sorp aðra hverja viku.

 

Sorphirðugjald fyrirtækja (þ.m.t. sveitabýla):

Flokkur 1   kr. 53.747.-

Flokkur 2   kr. 71.352.-

Flokkur 3   kr. 131.502.-

Flokkur 4   kr. 218.074.-

Flokkur 5   kr. 614.327.-

Flokkur 6   kr. 1.098.637,-

Sveitarstjórn skipar fyrirtækjum í flokka eftir stærð fyrirtækis og magni sorps.

 

Gjaldtaka fyrir losun seyru:

Rotþrær minni en 3.600 l   kr. 11.641.-

Rotþrær 3.600 l og stærri   kr. 17.463.-

 

Gjald fyrir eyðingu dýrahræja, lagt á heildarfjölda hverrar dýrategundar samkv. forðagæsluskýrslu:

Nautgripir  413 kr/grip.  Sauðfé og geitur  69 kr/grip.  Hross  114 kr/grip.  Grísir  279 kr/grip.

 

Gjalddagar:

8 gjalddagar frá 01.02.2025-01.09.2025 fyrir kr. 40.001.- og hærra

2 gjalddagar, 01.04.2025 og 01.06.2025 fyrir kr. 10.001-40.000.-

1 gjalddagi, 01.05.2025 fyrir lægra en kr. 10.000.-

 

Sveitarstjórn staðfestir framangreind álagningarhlutföll og gjöld fyrir árið 2025.

Sveitarstjórn staðfestir jafnframt aðrar gjaldskrár og verða þær birtar á heimasíðu sveitarfélagsins.

Síðari umræðu frestað.

 

Fleira ekki tekið fyrir, fundargerð lesin upp og samþykkt. Fundi slitið kl. 20:05.

Fundargerð ritaði Þorgeir Rúnar Finnsson.