Sveitarstjórnarfundur nr. 514

20.01.2025 00:00

Sveitarstjórnarfundur nr. 514

Mánudaginn 20. janúar 2025, kom sveitarstjórn Grýtubakkahrepps saman til fundar á skrifstofu hreppsins að Túngötu 3 á Grenivík. Eftirtaldir sveitarstjórnarfulltrúar voru mættir; Gísli Gunnar Oddgeirsson, Þorgeir Rúnar Finnsson, Gunnar B. Pálsson, Inga María Sigurbjörnsdóttir og Sigrún Björnsdóttir sem mætti í fjarveru Fjólu V. Stefánsdóttur.

Einnig sat sveitarstjóri fundinn.

Fundurinn hófst kl. 16:00.

Gjörðir fundarins voru þessar:

  1. Fundargerð 85. afgreiðslufundar SBE, dags. 27. des. 2024.

Fundargerð lögð fram.

  1. Fundargerð bókasafnsnefndar, dags. 27. des. 2024.

Fundargerð lögð fram.

  1. Erindi frá Sýslumanni, áfengisleyfi f. þorrablót, dags. 9. janúar 2025.

Sveitarstjórn gerir ekki athugasemd við veitingu leyfis.

  1. Frá SSNE, Hinsegin dagar á Norðurlandi eystra í júní 2025, dags. 16. jan. 2025.

Erindi lagt fram.

  1. Málefni slökkviliðs, ný slökkvistöð.

Rætt um málefni slökkviliðsins. Sveitarstjóra falið að senda erindi til Sæness varðandi byggingu nýrrar slökkvistöðvar.

  1. Reykjaveita, gjaldskrá og skýrsla Byggðastofnunar um orkukostnað heimila.

Rætt um málefni Reykjaveitu og þá staðreynd að kostnaður við hitaveitu á Grenivík er sá hæsti á landinu. Sveitarstjórn ítrekar þá skoðun sína að sú staða sé algjörlega óásættanleg. Sveitarstjórn er ósammála þeim forsendum sem stjórn Norðurorku hefur miðað við þegar kemur að ákvörðunum um gjaldskrá Reykjaveitu, einkum hvað varðar upphaflegar forsendur fyrir lagningu veitunnar og arðsemiskröfu.

Sveitarstjórn felur sveitarstjóra að senda erindi til Norðurorku þar sem sjónarmið sveitarfélagsins koma fram.

 

Fleira ekki tekið fyrir, fundagerð lesin upp og samþykkt. Fundi slitið kl. 18:22.

Fundargerð ritaði Þorgeir Rúnar Finnsson

Til baka