Ferðaþjónustusvæði við Akurbakkaveg, Grenivík

Ferðaþjónustusvæði við Akurbakkaveg, Grenivík – auglýsing aðal- og deiliskipulagstillögu

Sveitarstjórn Grýtubakkahrepps samþykkti á fundum sínum sínum 11. desember 2023 og 11. mars 2024 að vísa aðal- og deiliskipulagstillögu vegna uppbyggingar ferðaþjónustu við Akurbakkaveg í auglýsingu skv. 31. gr. og 41 gr. skipulagslaga nr. 123/2010.

Í tillögu að breytingu á Aðalskipulagi Grýtubakkahrepps 2010-2022 felst að legu Akurbakkavegar er breytt og athafnasvæði 126A er breytt í verslunar- og þjónustusvæði 126VÞ. Þá er afmarkað nýtt verslunar- og þjónustusvæði 118VÞ norðan Akurbakkavegar auk þess sem mörk hafnarsvæðis 120H og gatna flytjast lítillega.

Tillaga að deiliskipulagi snýr að uppbyggingu ferðaþjónustusvæðis á reit 118 VÞ við Akurbakkaveg þar sem gert yrði ráð fyrir fjórum gistiskálum og þjónustubyggingum á einni hæð á 2.981 m² lóð. Aðkoman að lóðinni yrði frá Akurbakkavegi við norðurhorn lóðar.

Skipulagstillögurnar eru aðgengilegar á skrifstofu sveitarfélagsins, Túngötu 3, 610 Grenivík frá 15. mars til 26. apríl 2024, á heimasíðu sveitarfélagsins, www.grenivik.is og á vef Skipulagsgáttar undir málsnúmerum 643/2023 (aðalskipulag) 75/2024 (deiliskipulag). Þeim sem telja sig eiga hagsmuna að gæta er hér með gefinn frestur til 26. apríl 2024 til að gera athugasemdir við tillöguna. Hægt er að koma athugasemdum á framfæri undir málunum á vef Skipulagsgáttar https://skipulagsgatt.is/ með innskráningu rafrænna skilríkja. Frekari upplýsingar er hægt að nálgast hjá Skipulags- og byggingarfulltrúa Eyjafjarðar, Skólatröð 9, 605 Akureyri, eða í tölvupósti á netfangið sbe@sbe.is.

ferdathjonustusvaedi-vid-akurbakkaveg-deiliskipulagsuppdrattur.pdf

verslunar-og-thjonustusvaedi-vid-akurbakkaveg-adalskipulagsuppdrattur.pdf

Skipulags- og byggingarfulltrúi